पुणे - पुण्यात पुढील दोन दिवसांमध्ये थंडीचा कडाका कमी होण्याचे संकेत हवामान खात्याने दिले आहेत. किमान तापमानाचा पारा बुधवारी सकाळी साडेआठ वाजेपर्यंत ९.२ अंश सेल्सियस नोंदला गेला. पुढील दोन दिवसांमध्ये किमान तापमान १० ते १२ अंश सेल्सियसपर्यंत तो वाढेल, असा अंदाज हवामान खात्याने वर्तविला आहे. राज्यात सर्वांत कमी तापमान जळगाव येथे ७ अंश सेल्सिअस नोंदले गेले.
शहरात गेल्या पाच दिवसांपासून थंडीचा कडाका सातत्याने वाढत होता. किमान तापमानाचा पारा १२ अंश सेल्सियसपासून कमी होऊन ८ अंश सेल्सियसपर्यंत कमी झाल्याची नोंद वेधशाळेत झाली. त्यानंतर बुधवारी ९.२ अंश सेल्सियसपर्यंत किमान तापमान गेले. पुढील दोन ते तीन दिवसांमध्ये तापमानात वाढ कायम राहील, असे हवामान खात्याने स्पष्ट केले आहे.
उत्तर भारतातून येणाऱ्या थंड आणि कोरड्या वाऱ्याच्या प्रभावामुळे राज्यातील थंडीचा प्रभाव सातत्याने वाढत होता. मध्य महाराष्ट्रासह विदर्भ आणि मराठवाड्यात थंडीचा कडाका वाढला होता. गेल्या चोवीस तासांमध्ये मध्य महाराष्ट्र व विदर्भाच्या तुरळक भागात किमान तापमानात सरासरीच्या तुलनेत उल्लेखनीय घट झाली, असे निरीक्षण खात्यातर्फे नोंदवण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.